Local
മുവാറ്റുപുഴ ഹെഡ് പോസ്റ്റ് ഓഫീസ്സ് നവീകരണ പ്രവർത്തനങ്ങൾ ഉടൻ ആരംഭിക്കുമെന്ന് ഡീൻ കുര്യാക്കോസ് എംപി
മുവാറ്റുപുഴ: മുവാറ്റുപുഴ ഹെഡ് പോസ്റ്റ് ഓഫീസ്സ് നവീകരണ പ്രവർത്തനങ്ങൾ ഉടൻ ആരംഭിക്കുമെന്ന് ഡീൻ കുര്യാക്കോസ് എംപി. 41 ലക്ഷം രൂപയാണ് നിലവിൽ പദ്ധതിക്കായി അനുവദിച്ചിരിക്കുന്നത്.
ഏറെ നാളായി അറ്റകുറ്റ പണികൾ നടത്താതെ ശോച്യാവസ്ഥയിലായിരുന്ന കെട്ടിടം നവീകരിക്കണമെന്ന് ആവശ്യപ്പെട്ടുകൊണ്ട് എംപി തപാൽ മന്ത്രാലയത്തിന് കത്ത് നൽകിയിരുന്നു.ഇതിന്റെ അടിസ്ഥാനത്തിലാണ് നവീകരണ പ്രവർത്തനങ്ങൾക്ക് തുക അനുവദിച്ച് തപാൽ വകുപ്പ് ഉത്തരവ് ഇറക്കിയത്.
നിലവിൽ സിവിൽ നിർമ്മാണ പ്രവൃത്തികൾക്ക് 33 ലക്ഷം രൂപയും ഇലക്ടിക്കൽ വിഭാഗത്തിൽ 8 ലക്ഷം രൂപയുമാണ് അനുവദിച്ചിരിക്കുന്നത്.അതേസമയം പദ്ധതിയുടെ ടെൻഡർ നടപടികൾ പൂർത്തിയായി.കെട്ടിടത്തിന്റെ ചോർച്ച തടയാനുള്ള പണികളാണ് ആദ്യഘട്ടത്തിൽ നടക്കുക. സിവിൽ വിഭാഗത്തിൽ ഉൾപ്പെടുത്തി നിലവിലുള്ള കെട്ടിടത്തിന്റെ ഓടുകൾ മാറ്റി മേൽക്കൂര നവീകരിക്കും. പിന്നീട് ഇടിഞ്ഞുവീണ ഭാഗങ്ങൾ അറ്റകുറ്റപ്പണികൾ നടത്തി ബലപ്പെടുത്തും.
കെട്ടിടത്തിൽ ലൈറ്റുകളും ഫാനുകളും മാറ്റി പുതിയവ സ്ഥാപിക്കും. പഴയ വയറിംഗ് മാറ്റും. തുടർന്ന് അടർന്ന് വീഴാറായ കോൺക്രീറ്റ് ഭാഗങ്ങൾ നീക്കം ചെയ്ത് പുതുക്കി പണിയും. ദ്രവിച്ച ജനലുകൾ മാറ്റി പുതിയവ സ്ഥാപിക്കും. ശുചിമുറികളും ഇതോടൊപ്പം നവീകരിക്കും. മൂന്നാം ഘട്ടമായി നടത്തുന്ന പെയിന്റിംഗ് ജോലികൾക്കും തുക വകയിരുത്തിയിട്ടുണ്ട്. പഴമയുടെ പ്രൗഢിയിൽ ആധുനിക മുഖമുള്ള പോസ്റ്റ് ഓഫീസ് നാടിന് സമർപ്പിക്കുമെന്ന് ഡീൻ കുര്യാക്കോസ് എംപി പറഞ്ഞു.
1955ൽ നിർമ്മിച്ച കെട്ടിടത്തിലാണ് ഇപ്പോൾ ഹെഡ് പോസ്റ്റ് ഓഫിസ് പ്രവർത്തിക്കുന്നത്. അന്നുമുതൽ കെട്ടിടത്തിന്റെ അറ്റകുറ്റപണികൾ നടത്തിയിരുന്നില്ല.പിന്നീട് 1975ലും 2010ലും കുറച്ച് ഭാഗങ്ങൾ പഴയ കെട്ടിടത്തോട് കൂട്ടി ചേർത്ത് നിർമ്മിച്ചെങ്കിലും പഴയ കെട്ടിടത്തിൽ അറ്റക്കുറ്റ പണികൾ തടസപ്പെട്ടതുമൂലം 2010ന് ശേഷം ഇവിടെ യാതൊരുവിധ നവീകരണ പ്രവർത്തനങ്ങളും നടന്നിരുന്നില്ല. കൂട്ടിച്ചേർത്ത കെട്ടിടത്തിന്റെ പല ഭാഗങ്ങളിലും ബലക്ഷയം സംഭവിച്ചിട്ടുണ്ടെന്നും, വാർക്കയുടെ പാളികൾ അടർന്ന് കമ്പി തെളിഞ്ഞ അവസ്ഥയിലുള്ള കെട്ടിടം ഏതുനിമിഷവും നിലംപൊത്തും എന്ന് കാട്ടി മുവാറ്റുപുഴ കൗൺസിൽ ചെയർമാൻ എൽദോ ബാബു വട്ടക്കാവിലും, നഗരസഭ കൗൺസിലർ രാജശ്രീ രാജുവുമാണ് വിഷയം എപിയുടെ ശ്രദ്ധയിൽപെടുത്തിയത്.സേവന വിതരണം മെച്ചപ്പെടുത്താനും പ്രാദേശികമായി ജനങ്ങൾക്ക് കൂടുതൽ സൗകര്യങ്ങൾ നൽകാനും നവീകരണ പ്രവർത്തനങ്ങൾ ലക്ഷ്യമിടുന്നതായും ഡീൻ കുര്യാക്കോസ് എംപി അറിയിച്ചു.
മറയൂർ;ആയിരങ്ങൾക്ക് അക്ഷരവെളിച്ചം പകർന്ന പള്ളനാട് സെന്റ് മേരീസ് എൽ പി സ്‌കൂൾ 45-ാം വാർഷിക ആഘോഷം,സ്മേര2 കെ 2025 ഈ മാസം 7-ന് നടക്കും.
വൈകിട്ട് 4.30-ന് ചേരുന്ന പൊതുസമ്മേളനത്തിൽ മറയൂർ പഞ്ചായത്ത് പ്രസിഡന്റ് ദീപ അരുൾ ജ്യോതി ആഘോഷപരിപാടികൾ ഉൽഘാടനം ചെയ്യും.സ്‌കൂൾ മാനേജർ റവ.ഫാ.തോമസ് തൈച്ചേരിൽ അധ്യക്ഷത വഹിയ്ക്കും.
മൂന്നാർ എ ഇ ഒ ശരവണൻ,വാർഡ് മെമ്പർ വിജി ജോസഫ്,റവ,ഫാ.തോമസ് വേലിയ്ക്കകത്ത്,ഹെഡ്മാസ്റ്റർ റെന്നി തോമസ്്,സാറ്റാഫ് സെക്രട്ടറി ഷാംലറ്റ് ടോം,സി,പി റ്റി എ പ്രസിഡന്റ് ചിലമ്പരശൻ,ഷാജി തോമസ്,ഹെപ്‌സി ക്രിസ്റ്റീനാൾ,സൂര്യജീ,ജിഷ കെകെ കണ്ണാടൻ തുടങ്ങിയവർ പ്രസംഗിയ്ക്കും.
പരിപാടിയോട് അനുബന്ധിച്ച് അദ്ധ്യപക -രക്ഷതകർത്താ സംഗവും വിവിധ കലാപരിപാടികളും സംഘടപ്പിച്ചിട്ടുണ്ടെന്ന് ആഘോഷകമ്മറ്റി ഭാരവാഹികളായ റവ.ഫാ. തോമസ് തൈച്ചേരിൽ,സ്‌കൂൾ ഹെഡ്മാസ്റ്റർ ജോബി തോമസ് ,പി റ്റി എ പ്രസിഡന്റ് ചിലമ്പരശൻ എന്നിവർ അറയിച്ചു.
മൂവാറ്റുപുഴ: കിഴക്കേക്കര ധ്വനി പബ്ലിക് ലൈബ്രറി ആന്റ് റീഡിംഗ് റൂമിന്റെ രണ്ടാമത് വാര്‍ഷികാഘോഷ പരിപാടികളുടെ പ്രചരണാര്‍ത്ഥം വിളംബര ജാഥ സംഘടിപ്പിച്ചു. ലൈബ്രറി പരിസരത്തുനിന്നും ആരംഭിച്ച ജാഥ വാര്‍ഡ് മെമ്പര്‍ ശ്രീനി വേണു ഫ്ളാഗ്ഓഫ് ചെയ്തു.
ലൈബ്രറി സെക്രട്ടറി തിലക് രാജ് മൂവാറ്റുപുഴ, പ്രസിഡന്റ് മിനിമോള്‍ രാജീവ്, എക്സിക്യൂട്ടീവ് കമ്മിറ്റി അംഗങ്ങളായ, ബിജു വി.കെ, വേണു വി.ജി, എം.ടി രാജീവ് എന്നിവര്‍ നേതൃത്വം നല്‍കി. ബാലവേദിയിലേയും, വനിതാവേദിയിലേയും അംഗങ്ങള്‍ ബഹുജനങ്ങള്‍ തുടങ്ങിയവര്‍ പങ്കെടുത്തു. ഫെബ്രുവരി 22, 23 തീയതികളിലാണ് വാര്‍ഷികാഘോഷം നടത്തപ്പെടുന്നത്.
വാര്‍ഷികത്തിന്റെ ഭാഗമായി വനിതാസംഗമം, കൈകൊട്ടിക്കളിമത്സരം, നാടകം, സംസ്കാരികസമ്മേളനം, കവിതാരചനാമത്സരം, കുട്ടികള്‍ക്കായുള്ള വിവിധകായികമത്സരങ്ങള്‍, ആലപ്പുഴ ബ്ലൂ ഡയമണ്‍സിന്റെ ഗാനമേള എന്നിവയുണ്ടായിരിക്കും.
മൂവാറ്റുപുഴ; പുരോഗമന കലാ സാഹിത്യ സംഘം മുവാറ്റുപുഴ മേഘല കമ്മറ്റിയുടെ ആഭിമുഖ്യത്തില്‍ ഗായകന്‍ പി .ജയചന്ദ്രന്‍ അനുസ്മരണം സംഘടിപ്പിച്ചു. മുവാറ്റുപുഴ അര്‍ബന്‍ ബാങ്ക് ഹാളില്‍ നടന്ന അനുസ്മരണ യോഗത്തില്‍ ഗായികയും റേഡിയോ ആര്‍ട്ടിസ്റ്റുമായ തെന്നല്‍ അനുസ്മരണ പ്രഭാഷണം നടത്തി.
സംഘം പ്രവര്‍ത്തകരായ കലാകാരന്മാരെ എ.പി വര്‍ക്കി മിഷന്‍ ചെയര്‍മാന്‍ പി. ആര്‍ മുരളീധരന്‍ മൊമെന്റോ നല്‍കി ആദരിച്ചു. മേഖലാപ്രസിഡന്റ് സി.എന്‍ കുഞ്ഞുമോള്‍ ആധ്യക്ഷത വഹിച്ച യോഗത്തില്‍ സാഹിത്യസംഘം ജിലാകമ്മറ്റി അംഗം കുമാര്‍.കെ മുടവൂര്‍, മേഖല സെക്രട്ടറി കെ.മോഹനന്‍, വൈസ് പ്രസിഡണ്ട് എം.എന്‍ .രാധാകൃഷ്ണന്‍, ട്രഷറര്‍ എന്‍.വി.പീറ്റര്‍ തുടങ്ങിയവര്‍ പ്രസംഗിച്ചു. പി.ജയചന്ദ്രന്റെ ഓര്‍മ്മക്കായി നടത്തിയ ഗാനാഞ്ജലിയില്‍ മുപ്പതോളം കലാകാരന്മാര്‍ അദ്ദേഹത്തിന്റെ ഗാനങ്ങള്‍ ആലപിച്ചു.
-
Uncategorized6 months agoകോതമംഗലത്ത് റിട്ടേർഡ് തഹസിൽദാരെ കിണറ്റിൽ മരിച്ച നിലയിൽ കണ്ടെത്തി
-
Local7 months agoപ്രതി ഒളിവിൽ;കോതമംഗലം പോലീസ് രേഖാചിത്രം പുറത്തുവിട്ടു , വിവരം ലഭിച്ചാൽ അറിയക്കണമെന്നും പോലീസ്
-
latest news5 months agoകൊച്ചി ധനുഷ്കോടി ദേശീയപാതയിൽ കെഎസ്ആർടിസി ബസ് മറിഞ്ഞ് അപകടം
-
Local7 months agoകോട്ടപ്പടി വടക്കുംഭാഗത്ത് ടാപ്പിംഗ് തൊഴിലാളിയെ കാട്ടാനാ ആക്രമിച്ചത് പിന്നില് നിന്ന്,സംഭവം ഇന്ന് രാവിലെ,പരിക്ക് ഗുരുതരമെന്നും സൂചന
-
Local7 months agoമാമലക്കണ്ടം ഇംളംബ്ലാശേരിയിൽ ആത്മഹത്യഭീഷിണി മുഴക്കി കെട്ടിടത്തിനുള്ളിൽ യുവാവ്;പ്രദേശം വളഞ്ഞ് പോലീസും വനംവകുപ്പ് ജീവനക്കാരും
-
Uncategorized6 months agoകോതമംഗലം മാർത്തോമ ചെറിയ പള്ളിയിൽ കലവറ നിറയ്ക്കൽ ശ്രദ്ധേയമായി
-
Local7 months agoകോട്ടപ്പടി വടക്കുംഭാഗത്ത് ആന ആക്രമണം;ടാപ്പിംഗ് തൊഴിലാളിക്ക് പരിക്ക്
-
Local7 months agoകോതമംഗലം വ്യാപാരഭവൻ നവീകരിയ്ക്കുന്നു; ഏസി ഹാൾ അടക്കം വിപുലമായ സൗകര്യങ്ങൾ ഒരുക്കും,നിർമ്മാണ പ്രവർത്തനങ്ങൾക്ക് കരാർ ഒപ്പിട്ടു
You must be logged in to post a comment Login