news
വിദ്യാർത്ഥികൾക്കും വിദ്യാലയത്തിനും സുരക്ഷ ഉറപ്പാക്കാൻ റൂറൽ ജില്ലാ പോലീസ് നടപ്പിലാക്കുന്ന ഉറപ്പ് @ സ്ക്കൂൾ പദ്ധതി

പെരു മ്പാവൂർ ; വിദ്യാർത്ഥികൾക്കും വിദ്യാലയത്തിനും സുരക്ഷ ഉറപ്പാക്കാൻ റൂറൽ ജില്ലാ പോലീസ് നടപ്പിലാക്കുന്ന ” ഉറപ്പ് @ സ്ക്കൂൾ ” എന്ന പദ്ധതിയുടെ ‘ പെരുമ്പാവൂർ സബ് ഡിവിഷൻ യോഗം റൂറൽ ജില്ലാ പോലീസ് മേധാവി ഡോ വൈഭവ് സക്സേന ഉദ്ഘാടനം ചെയ്തു.
അപ്പൂസ് ഓഡിറ്റോറിയത്തിൽ നടന്ന യോഗത്തിൽ സ്കൂളുകളിൽ നിന്നുള്ള അധ്യാപക പ്രതിനിധികൾ, പ്രധാന അധ്യാപകർ, പി.ടി.എ ഭാരവാഹികൾ, മാനേജർമാർ എന്നിവർ പങ്കെടുത്തു.


പ്രവർത്തനത്തിൻ്റെ ആദ്യപടിയായി അധ്യാപകരേയും, പി.ടി.എ ഭാരവാഹികളേയും, മാനേജർമാരേയും പോലീസ്’ ഉദ്യോഗസ്ഥരേയും ഉൾപ്പെടുത്തി ഗ്രൂപ്പുകൾ രൂപീകരിക്കും. ഇതിലുടെ ബോധവൽക്കരണ പരിപാടികൾ നടത്തും.’



ശ്രദ്ധിക്കേണ്ട കാര്യങ്ങളെക്കുറിച്ച് പ്രചരണം നടത്തും.: അധ്യാപകർക്ക് സ്ക്കുളുകളുമായി ബന്ധപ്പെട്ട പ്രശ്നങ്ങൾ അവതരിപ്പിക്കാം. ഇത് പ്രത്യേക ടീം 24 മണിക്കൂറും മോണിട്ടർ ചെയ്യും. പ്രശ്നങ്ങൾക്ക് ഉടനടി പരിഹാരമുണ്ടാകും.
മയക്കുമരുന്നിൻ്റെ ദൂഷ്യവശങ്ങളെക്കുറിച്ച് വിദ്യാർത്ഥികളിൽ ‘ അവബോധം സൃഷ്ടിക്കും. വിദഗ്ദർ ക്ലാസുകൾ ‘ എടുക്കും.
മയക്കുമരുന്നിൻ്റെ ഉപയോഗമോ, വിൽപ്പന യോ ശ്രദ്ധയിൽപ്പെട്ടാൽ ഗ്രൂപ്പുവഴിയോ, ഫോൺ മുഖാന്തിരമോ പോലീസിനെ ‘ അറിയിക്കാം. വിദ്യാർത്ഥികൾക്ക് ഇതു സംബന്ധിച്ച് പരിശീലനം നൽകും. വിദ്യാലയങ്ങളുടെ പരിസരത്തെ വ്യാപാര സ്ഥാപനങ്ങൾ നിരീക്ഷണത്തിലായിരിക്കും. പരിസരങ്ങളിൽ സ്ഥിരമായി കാണുന്ന അപരിചിതരെക്കുറിച്ച് വിവരമറിയിക്കാം.
പോക്സോ കേസുകളിൽ ചെയ്യേണ്ട കാര്യങ്ങളെക്കുറിച്ച് വിദ്യാർത്ഥികളിലും അധ്യാപകരിലും ബോധ്യം സൃഷ്ടിക്കും. വിദ്യാർത്ഥികളിൽ ഗതാഗത ബോധവൽക്കരണം നടത്തും.
സൈബർ മേഖലയിൽ കുട്ടികളെ സുരക്ഷിതമാക്കാനുള്ള നിർദ്ദേശങ്ങൾ എല്ലാവരിലും എത്തിക്കും. സൈബർ തട്ടിപ്പുകളെക്കുറിച്ച് വിദ്യാർത്ഥികളിൽ ബോധവൽക്കരണം നടത്തും. ഇത് ഇവരിലൂടെ രക്ഷകർത്താക്കളിലെത്തിക്കും.
ഇതിലൂടെ ഒരു സമൂഹത്തെ തന്നെ രക്ഷപ്പെടുത്താൻ കഴിയും. പോലീസിൻ്റെ പ്രവർത്തനങ്ങളെക്കുറിച്ചും പദ്ധതികളെപ്പറ്റിയും വിദ്യാർത്ഥികൾക്ക് ക്ലാസ് നൽകും. ആധുനിക കാലത്ത് അധ്യാപകർ നേരിടുന്ന വെല്ലുവിളികളും ചർച്ചചെയ്യും. റാഗിംഗ് സംബന്ധമായ കാര്യങ്ങളും ‘ഉടൻ തന്നെ പോലീസിൽ അറിയിക്കാം.
വരും ദിവസങ്ങളിൽ മറ്റ് സബ്ഡിവിഷനുകളിലും യോഗം നടക്കും. ആദ്യമായാണ്പോലീസ് സംവിധാനത്തിൽ ഇത്തരമൊരു പദ്ധതിക്ക് തുടക്കം കുറിക്കുന്നത്. യോഗത്തിൽ പെരുമ്പാവൂർ എ.എസ്.പി ശക്തി സിംഗ് ആര്യ, ഇൻസ്പെക്ടർ ടി.എം സൂഫി തുടങ്ങിയവർ പ്രസംഗിച്ചു.





latest news
പള്ളനാട് സെന്റ് മേരീസ് എല്പി സ്കൂളിന്റെ 45-ാം വാര്ഷികവും രക്ഷകര്ത്തൃദിനവും വിവിധ പരിപാടികളോടെ ആഘോഷിച്ചു

മറയൂര്;പള്ളനാട് സെന്റ് മേരീസ് എല്പി സ്കൂളിന്റെ 45-ാം വാര്ഷികവും രക്ഷകര്ത്തൃദിനവും വിവിധ പരിപാടികളോടെ ആഘോഷിച്ചു.
പരിപാടിയോട് അനുബന്ധിച്ചുനടന്ന പൊതുസമ്മേളനം മറയൂര് പഞ്ചായത്ത് പ്രസിഡന്റ് അരുള് ജോ്യതി ഉല്ഘാടനം ചെയ്തു.സ്കൂള് മാനേജര് റവ.ഫാദര് തോമസ് തൈച്ചേരീല് അധ്യക്ഷത വഹിച്ചു.


മൂന്നാര് എ ഇ ഒ ശരവണന്,വാര്ഡ് മെമ്പര് വിജി ജോസഫ്,റവ,ഫാ.തോമസ് വേലിയ്ക്കകത്ത്,ഹെഡ്മാസ്റ്റര് ജോബി തോമസ്,രാജകുമാരി എച്ച് ക്യൂ യൂപിഎസ് ഹെഡ്മാസ്റ്റര് റെന്നി തോമസ്,ഹെപ്സി ക്രിസ്റ്റീനാള്,സാറ്റാഫ് സെക്രട്ടറി ഷാംലറ്റ് ടോം,സി,പി റ്റി എ പ്രസിഡന്റ് ചിലമ്പരശന്,ഷാജി തോമസ്,സൂര്യജീ,ജിഷ കെ കെ കണ്ണാടന് തുടങ്ങിയവര് പ്രസംഗിച്ചു.



സമ്മേളനത്തില് കലാ-കായിക രംഗത്ത് മികച്ച നേട്ടം സ്വന്തമാക്കിയ സ്കൂളിലെ വിദ്യര്ത്ഥികളെ സമ്മാനങ്ങള് നല്കി വിശിഷ്ട വ്യക്തികള് ആദരിച്ചു.
സമ്മേനാന്തരം വിദ്യാര്ത്ഥി -വിദ്യാര്ത്ഥിനികള് അവതരിപ്പിച്ച കലാ-പരിപാടികളും ഉണ്ടായിരുന്നു.





latest news
പള്ളനാട് സെന്റ് മേരീസ് എൽ പി സ്കൂൾ 45-ാം വാർഷിക ആഘോഷം, സ്മേര 2 കെ 2025 ഈ മാസം 7-ന്

മറയൂർ;ആയിരങ്ങൾക്ക് അക്ഷരവെളിച്ചം പകർന്ന പള്ളനാട് സെന്റ് മേരീസ് എൽ പി സ്കൂൾ 45-ാം വാർഷിക ആഘോഷം,സ്മേര2 കെ 2025 ഈ മാസം 7-ന് നടക്കും.
വൈകിട്ട് 4.30-ന് ചേരുന്ന പൊതുസമ്മേളനത്തിൽ മറയൂർ പഞ്ചായത്ത് പ്രസിഡന്റ് ദീപ അരുൾ ജ്യോതി ആഘോഷപരിപാടികൾ ഉൽഘാടനം ചെയ്യും.സ്കൂൾ മാനേജർ റവ.ഫാ.തോമസ് തൈച്ചേരിൽ അധ്യക്ഷത വഹിയ്ക്കും.


മൂന്നാർ എ ഇ ഒ ശരവണൻ,വാർഡ് മെമ്പർ വിജി ജോസഫ്,റവ,ഫാ.തോമസ് വേലിയ്ക്കകത്ത്,ഹെഡ്മാസ്റ്റർ റെന്നി തോമസ്്,സാറ്റാഫ് സെക്രട്ടറി ഷാംലറ്റ് ടോം,സി,പി റ്റി എ പ്രസിഡന്റ് ചിലമ്പരശൻ,ഷാജി തോമസ്,ഹെപ്സി ക്രിസ്റ്റീനാൾ,സൂര്യജീ,ജിഷ കെകെ കണ്ണാടൻ തുടങ്ങിയവർ പ്രസംഗിയ്ക്കും.



പരിപാടിയോട് അനുബന്ധിച്ച് അദ്ധ്യപക -രക്ഷതകർത്താ സംഗവും വിവിധ കലാപരിപാടികളും സംഘടപ്പിച്ചിട്ടുണ്ടെന്ന് ആഘോഷകമ്മറ്റി ഭാരവാഹികളായ റവ.ഫാ. തോമസ് തൈച്ചേരിൽ,സ്കൂൾ ഹെഡ്മാസ്റ്റർ ജോബി തോമസ് ,പി റ്റി എ പ്രസിഡന്റ് ചിലമ്പരശൻ എന്നിവർ അറയിച്ചു.





latest news
ഇഞ്ചത്തൊട്ടിയില് ആനകള്ക്കായി പടുതാക്കുളമൊരുക്കി വനപാലകര്

കോതമംഗലം ; കാട്ടാനകള്ക്ക് കുടിക്കാനും വെള്ളത്തില് കളിക്കാനുമായി പടുതാകുളം ഒരുക്കി വനപാലകർ. ഇഞ്ചത്തൊട്ടി മുനിപ്പാറയിലൊരുക്കിയ കുളത്തിനു ചുറ്റും ഉച്ചകഴിഞ്ഞാല് ആനകളുടെ കൂത്താട്ടമാണ്.
വെള്ളം കുടിച്ച ശേഷം തുമ്പിക്കൈകൊണ്ട് മേലാകെ വെള്ളം ചീറ്റിച്ച് കുളിച്ച ശേഷമാണ് ആനകള് മടങ്ങുന്നത്. പെരിയാറില് വെള്ളം കുടിക്കാനും നീരാടാനും പതിവായി വന്നിരുന്ന വഴി സൗരോർജ വേലികെട്ടി അടച്ചതോടെയാണ് ആനക്കൂട്ടത്തിന് വെള്ളം കിട്ടാതായത്.


ദിവസവും വേലിക്കരികില് വന്ന് എത്തിനോക്കി ആനക്കൂട്ടം നിരാശരായി മടങ്ങുന്ന കാഴ്ച കണ്ടാണ് വനപാലകർ കുളം നിർമിക്കാൻ മുന്നിട്ടിറങ്ങിയത്. മിഷൻ ഫുഡ് ഫോഡർ ആൻഡ് വാട്ടർ പദ്ധതി പ്രകാരം ഒരാഴ്ച മുൻപാണിത് ഒരുക്കിയത്.



ഇഞ്ചത്തൊട്ടി ഫോറസ്റ്റ് സ്റ്റേഷനിലെ ജീവനക്കാരുടെ നേതൃത്വത്തില് മണ്ണുമാന്തികൊണ്ട് എട്ടു മീറ്റർ നീളത്തിലും ആറു മീറ്റർ വീതിയിലും ഒരു മീറ്റർ ആഴത്തിലും കുളം കുഴിച്ച് അടിയില് ചാക്കിട്ട് പ്ലാസ്റ്റിക് പടുത വിരിച്ച് വെള്ളം നിറയ്ക്കുകയായിരുന്നു.
ഡെപ്യൂട്ടി റെയ്ഞ്ച് ഓഫീസർമാരായ ജി.ജി. സന്തോഷ്, ടി.എ. ഷാജി എന്നിവരുടെ നേതൃത്വത്തില് സ്റ്റേഷൻ ജീവനക്കാർ ചേർന്ന് ഒരു ദിവസംകൊണ്ട് ഇതിന്റെ പണിതീർത്തു.
മുനിപ്പാറ ക്ഷേത്രത്തിനു സമീപത്തെ പടുതാകുളത്തില് ആനകളെത്തുന്നത് റോഡില് നിന്നാല് കാണാം. പെരിയാറില്നിന്ന് ടാങ്കറില് എത്തിക്കുന്ന കുടിവെള്ളമാണ് പടുതാകുളത്തില് നിറയ്ക്കുന്നത്. ആനകളൊഴിയുമ്പോള് മ്ലാവടക്കമുള്ള മൃഗങ്ങളും വെള്ളം തേടി എത്തുന്നുണ്ട്.





-
Uncategorized6 months ago
കോതമംഗലത്ത് റിട്ടേർഡ് തഹസിൽദാരെ കിണറ്റിൽ മരിച്ച നിലയിൽ കണ്ടെത്തി
-
Local7 months ago
പ്രതി ഒളിവിൽ;കോതമംഗലം പോലീസ് രേഖാചിത്രം പുറത്തുവിട്ടു , വിവരം ലഭിച്ചാൽ അറിയക്കണമെന്നും പോലീസ്
-
latest news5 months ago
കൊച്ചി ധനുഷ്കോടി ദേശീയപാതയിൽ കെഎസ്ആർടിസി ബസ് മറിഞ്ഞ് അപകടം
-
Local7 months ago
കോട്ടപ്പടി വടക്കുംഭാഗത്ത് ടാപ്പിംഗ് തൊഴിലാളിയെ കാട്ടാനാ ആക്രമിച്ചത് പിന്നില് നിന്ന്,സംഭവം ഇന്ന് രാവിലെ,പരിക്ക് ഗുരുതരമെന്നും സൂചന
-
Local7 months ago
മാമലക്കണ്ടം ഇംളംബ്ലാശേരിയിൽ ആത്മഹത്യഭീഷിണി മുഴക്കി കെട്ടിടത്തിനുള്ളിൽ യുവാവ്;പ്രദേശം വളഞ്ഞ് പോലീസും വനംവകുപ്പ് ജീവനക്കാരും
-
Uncategorized6 months ago
കോതമംഗലം മാർത്തോമ ചെറിയ പള്ളിയിൽ കലവറ നിറയ്ക്കൽ ശ്രദ്ധേയമായി
-
Local7 months ago
കോട്ടപ്പടി വടക്കുംഭാഗത്ത് ആന ആക്രമണം;ടാപ്പിംഗ് തൊഴിലാളിക്ക് പരിക്ക്
-
Local7 months ago
കോതമംഗലം വ്യാപാരഭവൻ നവീകരിയ്ക്കുന്നു; ഏസി ഹാൾ അടക്കം വിപുലമായ സൗകര്യങ്ങൾ ഒരുക്കും,നിർമ്മാണ പ്രവർത്തനങ്ങൾക്ക് കരാർ ഒപ്പിട്ടു