Connect with us

Local

മുള്ളിരിങ്ങാട് വെള്ളക്കയത്ത് മലവെള്ളപ്പാച്ചിൽ; ഒഴുക്കിൽപ്പെട്ട വൈദീകൻ അത്ഭുതകരമായി രക്ഷപെട്ടു,കാർ കാണാനില്ല,പരക്കെ ഭീതി

Published

on

കോതമംഗലം;മുള്ളിരിങ്ങാട് വെള്ളക്കയത്ത് പുഴയിൽ ക്രമാതീതമായി ജലനിരപ്പ് ഉയരുന്നു. കാർ ഒഴുക്കിൽപ്പെട്ടു.വൈദീകൻ നീന്തി രക്ഷപെട്ടു.

ഇന്ന് വൈകിട്ട് 7 മണിയോടെയാണ് സംഭവം.മുള്ളിരിങ്ങാട് ലൂർദ്മാതാ പള്ളി വികാരി ഫാ.ജേക്കബ്ബ് വട്ടപ്പിള്ളിയാണ് ഒഴുക്കിൽപ്പെട്ടത്.ഇദ്ദേഹം സഞ്ചരിച്ച കാർ ഒഴുക്കിൽപ്പെട്ടെന്നും ഒരു വിധത്തിൽ ഡോർ തുറന്ന് വൈദീകൻ നീന്തി രക്ഷപെടുകയായിരുന്നു എന്നുമാണ് ഏറ്റവും ഒടുവിൽ ലഭിയ്ക്കുന്ന വിവരം.




ഇടവകയിലെ ഭവന സന്ദർശനം കഴിഞ്ഞ് മടങ്ങിവരവെയാണ് വൈദീകൻ കാർ സഹിതം ഒഴുക്കിൽപ്പെട്ടത്.


വൈദീകൻ രക്ഷപെട്ട് പ്രദേശത്തെ ഒരു വീട്ടിൽ അഭയം തേടിയിരിയ്ക്കുകയാണെന്നും ഇവിടെ നിന്നും പുറത്തുകടക്കാനാവാത്ത അവസ്ഥയിലാണെന്നും മറ്റുമുള്ള വിവരങ്ങളും പ്രചരിയ്ക്കുന്നുണ്ട്.കാർ ഒഴുക്കിൽപ്പെട്ട് കാണാതായി എന്നാണ് ലഭ്യമായ വിവരം.

മുള്ളിരിങ്ങാട് മേഖലയിൽ മണിക്കൂറുകളായി കനത്ത മഴ പെയ്യുന്നുണ്ട്.ഇതെത്തുടർന്നുള്ള ജലപ്രവാഹാം ആകാമെന്നാണ് അധികൃതരിൽ നിന്നും ലഭിയ്ക്കുന്ന വിവരം.ശക്തമായ മഴയെത്തുടർന്ന് വെള്ളക്കയത്ത്  ഉരുൾപൊട്ടി എന്ന തരത്തിൽ സാമൂഹിക മാധ്യമങ്ങളിൽ പ്രചാരണം ശശക്തിപ്പെട്ടിട്ടുണ്ട്.

എന്നാൽ ഇക്കാര്യത്തിൽ ഇനിയും അധികൃതരുടെ ഭാഗത്തുനിന്നും സ്ഥിരീകരണം ലഭിച്ചിട്ടില്ല.രാത്രിയോടെ പരീക്കണ്ണിപ്പുഴയിൽ വലിയതോതിൽ ജലനിരപ്പ് ഉയർന്നിട്ടുണ്ട്.തീരങ്ങളിൽ താമസിയ്ക്കുന്നവർ ജാഗ്രത പാലിയ്ക്കണമെന്ന് ജനപ്രതിനിധികളും പൊതുപ്രവർത്തകരും സാമൂഹിക മാധ്യമങ്ങൾ വഴി അറിയിപ്പ് നൽകുന്നുണ്ട്്.

 

 






latest news

പള്ളനാട് സെന്റ് മേരീസ് എൽ പി സ്‌കൂൾ 45-ാം വാർഷിക ആഘോഷം, സ്മേര 2 കെ 2025 ഈ മാസം 7-ന്

Published

on

By

മറയൂർ;ആയിരങ്ങൾക്ക് അക്ഷരവെളിച്ചം പകർന്ന പള്ളനാട് സെന്റ് മേരീസ് എൽ പി സ്‌കൂൾ 45-ാം വാർഷിക ആഘോഷം,സ്മേര2 കെ 2025 ഈ മാസം 7-ന് നടക്കും.

വൈകിട്ട് 4.30-ന് ചേരുന്ന പൊതുസമ്മേളനത്തിൽ മറയൂർ പഞ്ചായത്ത് പ്രസിഡന്റ് ദീപ അരുൾ ജ്യോതി ആഘോഷപരിപാടികൾ ഉൽഘാടനം ചെയ്യും.സ്‌കൂൾ മാനേജർ റവ.ഫാ.തോമസ് തൈച്ചേരിൽ അധ്യക്ഷത വഹിയ്ക്കും.




മൂന്നാർ എ ഇ ഒ ശരവണൻ,വാർഡ് മെമ്പർ വിജി ജോസഫ്,റവ,ഫാ.തോമസ് വേലിയ്ക്കകത്ത്,ഹെഡ്മാസ്റ്റർ റെന്നി തോമസ്്,സാറ്റാഫ് സെക്രട്ടറി ഷാംലറ്റ് ടോം,സി,പി റ്റി എ പ്രസിഡന്റ് ചിലമ്പരശൻ,ഷാജി തോമസ്,ഹെപ്‌സി ക്രിസ്റ്റീനാൾ,സൂര്യജീ,ജിഷ കെകെ കണ്ണാടൻ തുടങ്ങിയവർ പ്രസംഗിയ്ക്കും.


പരിപാടിയോട് അനുബന്ധിച്ച് അദ്ധ്യപക -രക്ഷതകർത്താ സംഗവും വിവിധ കലാപരിപാടികളും സംഘടപ്പിച്ചിട്ടുണ്ടെന്ന് ആഘോഷകമ്മറ്റി ഭാരവാഹികളായ റവ.ഫാ. തോമസ് തൈച്ചേരിൽ,സ്‌കൂൾ ഹെഡ്മാസ്റ്റർ ജോബി തോമസ് ,പി റ്റി എ പ്രസിഡന്റ് ചിലമ്പരശൻ എന്നിവർ അറയിച്ചു.

 

 






Continue Reading

Local

കിഴക്കേക്കര ധ്വനി പബ്ലിക് ലൈബ്രറി ആന്റ് റീഡിംഗ് റൂമിന്റെ രണ്ടാമത് വാര്‍ഷികാഘോഷം സംഘടിപ്പിച്ചു

Published

on

By

മൂവാറ്റുപുഴ: കിഴക്കേക്കര ധ്വനി പബ്ലിക് ലൈബ്രറി ആന്റ് റീഡിംഗ് റൂമിന്റെ രണ്ടാമത് വാര്‍ഷികാഘോഷ പരിപാടികളുടെ പ്രചരണാര്‍ത്ഥം വിളംബര ജാഥ സംഘടിപ്പിച്ചു. ലൈബ്രറി പരിസരത്തുനിന്നും ആരംഭിച്ച ജാഥ വാര്‍ഡ് മെമ്പര്‍ ശ്രീനി വേണു ഫ്ളാഗ്ഓഫ് ചെയ്തു.

ലൈബ്രറി സെക്രട്ടറി തിലക് രാജ് മൂവാറ്റുപുഴ, പ്രസിഡന്റ് മിനിമോള്‍ രാജീവ്, എക്സിക്യൂട്ടീവ് കമ്മിറ്റി അംഗങ്ങളായ, ബിജു വി.കെ, വേണു വി.ജി, എം.ടി രാജീവ് എന്നിവര്‍ നേതൃത്വം നല്‍കി. ബാലവേദിയിലേയും, വനിതാവേദിയിലേയും അംഗങ്ങള്‍ ബഹുജനങ്ങള്‍ തുടങ്ങിയവര്‍ പങ്കെടുത്തു. ഫെബ്രുവരി 22, 23 തീയതികളിലാണ് വാര്‍ഷികാഘോഷം നടത്തപ്പെടുന്നത്.




വാര്‍ഷികത്തിന്റെ ഭാഗമായി വനിതാസംഗമം, കൈകൊട്ടിക്കളിമത്സരം, നാടകം, സംസ്കാരികസമ്മേളനം, കവിതാരചനാമത്സരം, കുട്ടികള്‍ക്കായുള്ള വിവിധകായികമത്സരങ്ങള്‍, ആലപ്പുഴ ബ്ലൂ ഡയമണ്‍സിന്റെ ഗാനമേള എന്നിവയുണ്ടായിരിക്കും.







Continue Reading

Local

പുരോഗമന കലാ സാഹിത്യ സംഘം ഗായകന്‍ പി.ജയചന്ദ്രന്റെ അനുസ്മരണം സംഘടിപ്പിച്ചു

Published

on

By

മൂവാറ്റുപുഴ; പുരോഗമന കലാ സാഹിത്യ സംഘം മുവാറ്റുപുഴ മേഘല കമ്മറ്റിയുടെ ആഭിമുഖ്യത്തില്‍ ഗായകന്‍ പി .ജയചന്ദ്രന്‍ അനുസ്മരണം സംഘടിപ്പിച്ചു. മുവാറ്റുപുഴ അര്‍ബന്‍ ബാങ്ക് ഹാളില്‍ നടന്ന അനുസ്മരണ യോഗത്തില്‍ ഗായികയും റേഡിയോ ആര്‍ട്ടിസ്റ്റുമായ തെന്നല്‍ അനുസ്മരണ പ്രഭാഷണം നടത്തി.

സംഘം പ്രവര്‍ത്തകരായ കലാകാരന്മാരെ എ.പി വര്‍ക്കി മിഷന്‍ ചെയര്‍മാന്‍ പി. ആര്‍ മുരളീധരന്‍ മൊമെന്റോ നല്‍കി ആദരിച്ചു. മേഖലാപ്രസിഡന്റ് സി.എന്‍ കുഞ്ഞുമോള്‍ ആധ്യക്ഷത വഹിച്ച യോഗത്തില്‍ സാഹിത്യസംഘം ജിലാകമ്മറ്റി അംഗം കുമാര്‍.കെ മുടവൂര്‍, മേഖല സെക്രട്ടറി കെ.മോഹനന്‍, വൈസ് പ്രസിഡണ്ട് എം.എന്‍ .രാധാകൃഷ്ണന്‍, ട്രഷറര്‍ എന്‍.വി.പീറ്റര്‍ തുടങ്ങിയവര്‍ പ്രസംഗിച്ചു. പി.ജയചന്ദ്രന്റെ ഓര്‍മ്മക്കായി നടത്തിയ ഗാനാഞ്ജലിയില്‍ മുപ്പതോളം കലാകാരന്മാര്‍ അദ്ദേഹത്തിന്റെ ഗാനങ്ങള്‍ ആലപിച്ചു.









Continue Reading

Trending

error: Content is protected !!