മൂവാറ്റുപുഴ ; വായനശാല ഒരു ഗ്രാമത്തിന്റെ ഹൃദയതുടിപ്പുകൾക്കൊപ്പം ജീവിക്കുന്നതിന്റെ നേർസാക്ഷ്യമാണ് മുവാറ്റുപുഴ താലൂക്കിലെ ആയവന പഞ്ചായത്തിലെ കാലാമ്പൂരിൽ പ്രവർത്തിക്കുന്ന വിജയ ലൈബ്രറിആൻഡ് റീഡിംഗ് റും.

ആയവന ഗ്രാമ പഞ്ചായത്തിലെ അവികസിത പ്രദേശമായിരുന്ന കാലാമ്പൂരിൽ അക്ഷരങ്ങളെ സ്നേഹിച്ചവരുടെ കൂട്ടായ്മയിൽ നിന്ന് 1960 പിറവിയെടുത്ത വായനശാലയാണിത്.

വൈദ്യുതി എത്താത്ത ഈ പ്രദേശത്ത് ഗ്യാസ് ലൈറ്റും ജനറേറ്ററും ഉപയോഗിച്ച് ഉദ്ഘാടന നടത്തിയ അക്ഷര സ്നേഹികളുടെ നാടാണിത്. 1982-ൽ ഗ്രന്ഥശാല സംഘത്തിന്റെ അഭിലിയേഷൻ ലഭിച്ചതോടെ നാട്ടിലെ സാമൂഹിക സാംസ്‌കാരിക, വിദ്യാഭ്യാസ രംഗത്തെ പ്രവർത്തനങ്ങൾ വായനശാല ഏറ്രെടുത്തു.

ഇതോടെ ഇത് ജനകീയ വായനശാലയായി മാറുകയായിരുന്നു. ലൈബ്രറിയിൽ വനിതാവേദി, ബാലവേദി, യുവജന വേദി, വയോജനവേദി, കായിക വേദി എന്നിവ രൂപികരിച്ച് പ്രവർത്തനം തുടങ്ങി. എല്ലാ മാസവും ഒന്നിലധികം പരിപാടികൾ സംഘടിപ്പിച്ച് വായനശാലയെ ജനകീയമാക്കി.

വിവിധ പരീക്ഷയിൽ ഉന്നത വിജയം നേടുന്നകുട്ടികൾക്ക് അവാർഡും നല്കുന്നതോടൊപ്പം വാർഷിക ആഘോഷം എല്ലാ വർഷവും വിപുലമായി സംഘടിപ്പിച്ചുവരുന്നു. സാംസ്കാരിക പരിപാടികൾ, സെമിനാറുകൾ , എന്നീവ ക്രത്യതയോടെ സംഘടിപ്പിച്ചു വരുന്നു.

വർത്തമാന കാലസാഹ ചര്യങ്ങളിൽ പ്രതികരിക്കേണ്ട വിഷയങ്ങളിൽ പ്രതികരണങ്ങൾ സംഘടിപ്പിച്ച് നാടിനെ സജീവമാക്കുന്നു ഉണർത്തുന്നു. ഈ വർഷത്തെ ഗ്രന്ഥശാല ദിനം ഗ്രന്ഥശാല വാരചരണ മായിട്ടാണ് ആഘോഷിച്ചത് .

സെപ്തംബർ 8ന് ഗ്രന്ഥശാലയിൽ പതാക ഉർത്തിയതോടെ ആരംഭിച്ച വാരാചരണ പരിപാടിയിൽ അംഗത്വം വിതരണം, പുസ്തക സമാഹരണം, ചർച്ച ക്ലാസുകൾ , എന്നിവ സംഘടിപ്പിച്ചു. വാരാചരണത്തിന്റെ സമാപനം കുറിച്ച് ഗ്രന്ഥശാല ദിനത്തിൽ അക്ഷര ദീപം തെളിയിക്കും.

ഓണവും വിഷുവും ,റംസാനും ബലിപെരുനാളും ക്രിസ്തുമസും ന്യൂഇയറും തുടങ്ങി എല്ലാ ആഘോഷങ്ങൾക്കും നാടൊന്നാകെ വിജയലൈബ്രറിയിൽ ഒത്തുകൂടുന്ന കാഴ്ച ഏവരേയും ത്രസിപ്പിക്കുന്നതാണ്. ഇന്ന് ലൈബ്രറിയുടെ വാർഷീകമാണ് .

വാ‌ർഷീകത്തിൽ പ്രധാനമായും ഒത്തുകൂടുന്നത് വയോജനങ്ങളാണ്. 400 വയോജനങ്ങലാണ് ഇന്ന് ഗ്രന്ഥശാലയിൽ എത്തിചേരുന്നത്. ഇതോടൊപ്പം ലൈബ്രറി സെക്രട്ടറി ബിജുവിന്റെ നേതൃത്വത്തിൽ മിനി സത്യൻ നയിക്കുന്ന 50അംഗ കലാകാരന്മാരും സി.എ. സുരനയിക്കുന്ന വോയിസ് ഓഫ് വിജയ എന്ന പേരിൽ ഒരു ഗാനമേള ട്രൂപ്പും ലൈബ്രറിക്ക് സ്വന്തമായുണ്ട് .

ഇന്ന് നടക്കുന്ന വാഷീക യോഗത്തിൽ ജസ്റ്റിസ് കമാൽപാക്ഷ , എം.പി, എം.എൽ.എ , ലൈബ്രകൗൺസിൽ ഭാരവാഹികൾ എന്നിവർ വാർഷികത്തിൽ പങ്കെടുക്കുമെന്ന് ലൈബ്രറി പ്രസിഡന്റ് ഇ.എസ്.അഷറഫ്, സെക്രട്ടറി എം.വി.ബിജു എന്നിവർ പറഞ്ഞു.